كيفية الحفاظ على ماكنة الخياطة

تزييت الماكينة:

زيتي الماكينة في الأعين المخصصة من أعلى الماكينة و من أسفل

(IMG:http://www.geocities.com/claw.geo/claw/freeoil.jpg)

(IMG:http://www.sewusa.com/Sewing_Machine_Repair/Singer_Sewing_Machine_maintenance/Singer_repair_Pictures/Singer301r.jpg)

شغلي الماكينة بعد التزييت بدون ابرة


تركيب الإبرة:

ركبي الابرة بحيث تكون الشطفة للداخل و لو الماكينة فيها إبرة فكيها و شوفي متركبة ازاي و رجعيها تاني بنفس الشكل

حركي العجلة اللي على اليمين بعد ما تركبي الابرة و تربطي عليها بإحكام و لو الابرة بتخبط في حاجة او بتقف قصريها شوية (فكيها و ارفعيها لفوق 1 مل) و جربي تاني لغاية ما تتأكدي من إنها مظبوطة

تركيب الخيط العلوي:
ركبي الخيط العلوي باتباع مسار الخيط و طبعا بيختلف بين ماكينة و التانية لكن أهم شيء تلاقي المسار بيوجهك في النهاية لدخول الخيط في الابرة من اليمين للشمال بدون التفافات
يمكن يكون في ماكينات بتتلضم ابرتها من الشمال لليمين لكن انا بصراحة ماعرفش
(IMG:http://www.ismacs.net/white/images/thread1x1.jpg)


تركيب خيط الماكوك:

ركبي بكرة المكوك في علبة المكوك اللي في الصورة
(IMG:http://www.thru-hiker.com/images/workshop_pics/sewing_instruction/bobbin_case.jpg)
الذراع اللي خارج منها(جزء متحرك ) ده شديه للخارج و ركبي البكرة زي الصور
(IMG:http://www.thru-hiker.com/images/workshop_pics/sewing_instruction/bobbin_rhand_case_lhand.jpg)

(IMG:http://www.thru-hiker.com/images/workshop_pics/sewing_instruction/thread_bobbin_1.jpg)

(IMG:http://www.thru-hiker.com/images/workshop_pics/sewing_instruction/thread_bobbin.jpg)

(IMG:http://www.thru-hiker.com/images/workshop_pics/sewing_instruction/bobbin_tension.jpg)

و هتلاقي حاجة شبه الباب في المكوك شديها للخارج و ركبيه زي الصورة دي
(IMG:http://www.thru-hiker.com/images/workshop_pics/sewing_instruction/remove_bobbin_case.jpg)

و ده شكل للخطوات علشان لو الصور السابقة مش واضحة


(IMG:http://www.threshpublications.com/bobbin.jpg) (IMG:http://welcome.solutions.brother.com/NR/rdonlyres/C3480A4B-1F02-4AE7-9EB5-43D91D13088A/5406/faqh000008_01.jpg)

هيبقى الخيط خارج من الابرة و بيت المكوك بالشكل اللي في الصورة التالية
(IMG:http://www.sewitgoes.net/smuse/rotary/201bob4.jpg)

دوري العجلة اللي على اليمين عكس عقارب الساعة يعني لناحيتك
لو الابرة مش بتطلع بخيط من المكوك اتأكدي ان المكوك متركب صح يعني ثابت مش بيتحرك و ان الخيط خارج منه
الابرة هتطلع بخيط من العين الصغيرة اللي تحتها
رجعي الخيطين لورا و ماتدوسيش على الرجل الكهربائية اللي بتشغل الماكينة منغير قماش لأن ده ممكن يشبك الخيط و يلبده

اختبار الماكينة:

جربي تشغلي الماكينة على قماشة غير حريرية زي اللينو أو الكتان
و دوسي على الرجل بالراحة و بسلاسة و اتأكدي انك مش سامعة كركبة
لأن الأصوات دي تعني ان الماكينة فيها حاجة مش متركبة صح او انها مش متزيتة كويس

ضبط شد الخيط:
شوفي ناتج الخياطة اللي عملتيه
لو الخيط مش مشدود من الوجه ولا الخلف تبقى الابرة مضبوط

لو الخيط مشدود من وجه القماش و مرخي او متشبك من أسفله يبقى محتاجة ترخي خيط الابرة عن طريق الزنبرك اللي على الشمال في الماكينة و هو عبارة عن دائرة عليها أرقام
(IMG:http://www.southendsewing.com/images/tl98e3.jpg)
لفيه للخارج بمقدار بسيط و جربي
لو بدأ يتظبط كملي لغاية ما توصلي لغرزة مستقيمة و مش مشدودة
لو مفيش فايدة مهما زودتي ارتخاة الخيط يبقى رجعيه زي ما كان و فكي المكوك
هتلاقي فيه مسمار رابط على الخيط
رخي الربط عليه شوية
و جربي

لو الطريقتين مش نافعين غيري طول الابرةبالتطويل او التقصير

لو الخيط مشدود من أسفل القماش و مرتخي من أعلاه اعكسي الخطوات بإنك تزيدي الشد على الخيط العلوي أو ترخي مسمار المكوك او تغيري طول الابرة

دي مشاكل ضبط الغرزة و حلولها مش بتخرج عن كده غالبا بس تهم شيء الصبر


انقطاع الخيط:

1- طول البرة غير مضبوط
الحل : تعديل طول الابرة بالتطويل او التقصير

2- شد الخيط العلوي أو السفلي أو كليهما غير مضبوط
الحل : إرخاء الشد العلوي أو السفلي حتى تضبط الغرزة

3- الماكينة تحتاج إلى التزييت
الحل : تزييت الماكينة كل شهر أو عند تشغيلها بعد ركنها

4- مسار الخيط غير مضبوط
الحل : التأكد من ضبط مسار الخيط

5- ثقب الابرة شطفته غير جيدة
الحل : تغيير نوع الإبرة

6- القماش سميك على سمك الإبرة أو نوعية الخيط
الحل : اختيار إبرة ذات سمك مناسب أو تغيير الخيط إلى خيط اكثر سمك

7- معيار سرعة مشط الدواسة بطيء (موجودفي بعض الماكينات )
الحل : زيادة سرعة الجراية

8- سن الإبرة غير حاد أو الإبرة منحنية
الحل : تغيير الإبرة

انكسار الإبرة:

لتلافي انكسار الإبرة عليكي بالآتي قبل التشغيل

*تأكدي من أن الإبرة غير معوجة

*تأكدي من الربط جيدا على الإبرة

*تأكدي من أن شطفة الإبرة للداخل عند تركيبها

*تأكدي من أن طول الإبرة ليس زائد عن طريق إدارة العجلة و إذا شعرتي أن الإبرة تجد ما يصدها فقللي الطول



احتياطات لعدم انكسار الإبرة اثناء التشغيل:

*إذا كانت ماكينتك تحتوي على ضابط لسرعة مشكط الجراية (عبارة عن مفتاح على اليمين يحتوي على أحرف h w B )

كل حرف له دلالة سرعة و يمكنك تعلم ذلك بتجربة كل اختيار و تابعي الأسنان الموجودة تحت الإبرة فالاختيار ذو

أعلى وضع للأسنان هو المؤدي إلى سرعة جريان النسيج و يستعمل للقماش السميك جدا

و الحرف المؤدي إلى نزول الأسنان تماما لدرجةاختفائها يستعمل في التطريز و باستخدامه لا يسير النسيج

أثناء الخياطة


*لا تجذبي القماش بشدة أثناء الخياطة


*لا تستعملي قماش شديد السماكة بما لا يلائم الماكينة